Wer kennt ein kurzes Samichlausversli für 4-jährige?

(Variante 1)

Samichlaus du liebe Maa
Dörf i au es Nüssli haa?

(Variante 2)

Samichlaus du liebe Maa
du weisch ja, dass ich gfolget haa.
Du weisch au, dass ich Guetzli mag,
drum gfallt mir halt de Chlausetag.

(Variante 3)

Samichlaus, du liebe Maa,
mues ich jetzt go füre staa?
Gäll, du bisch nöd bös mit mir,
weisch ich han ächli Angscht vor dir.

Gfolget hani scho nöd immer,
s'git no Sache, diä sind schlimmer!
Gäll, das wämmer jetzt vergässe,
lieber Schnitz und Bire ässe.

Gäll, ich dörf jetzt wieder gaa,
Samichlaus du liebe Maa.

Haben wir damals für die Kita-Kinder gelernt hab noch ein ganzes Heft voll.

Meine Kinder haben folgenden Fingervers geliebt:

Dä gaht äm Chlaus go Tür ufmache
Dä hät äm extra Chueche bache
Dä tuet äm heisse Tee serviere
und dä duet Guetzli verziere
und dä wo's Versli setti sägä versteckt sich unter de Chellerstäge.

Samichlous i bi ne chlyne Stumpe,
aber lue wie ni cha gumpe.
Eis zwöi drü rüss,
bitte hesch mer es paar Nüss?

3x kurz und doch herzig:

Vom Himmel fallid d'Flöckli wie Fäderli lislig-lis,
im Samichlaus sis Hüüsli und d'Tännli sind scho wiiss.
Vo jedem Chind im Dörfli weiss är alles ganz genau
und mängisch mues är süüfzge -
denn süffzged s'Eseli au.

Samichlaus, ich bi so froh,
dass du hüt zu mir bisch cho,
du weisch, ich tue gern Nüssli ässe,
hesch mis Säckli nöd vergässe?

Oh Samichlaus wie simmer froh
bisch das Jahr wieder zu Eus cho,
um hüt mit Dine guete Sache
alli Chinde glücklich z'mache.
Mir gsehnds a Dine Auge aa,
häsch au es bitzeli Heiweh ghah.

PS wer im Internet googelt findet ganz viele Versli!

Samichlaus, wi simmer froh
Samichlaus, wi simmer froh
Bisch wieder einisch zu eus cho
Mir gsehnds aa dine Auge aa
Häsch au es bitzeli Heiweh gha.

Um hüt mit dine guete Sache
All dini Chinde glücklich z'mache
Ich hann scho g'fürchtet, Du sigsch am Änd
Will d'Mänsch hütt Ragete händ.

Zum Mond ufe mit Apollo Drei
Und chömisch nie meh zu Eus hei
Das würded alli liebe Chinde
Uf eusere Ärde trurig finde.

Für eusi Wält, mer weisses ja
Bisch Du de einzig richtig Maa
Und wämer dänn emal am Änd
Uf Erde Glück und Friede händ.

Dänn chasch du au mit Sack und Fitze
Vo mir us uf de Mond ufe flitze
Gott Lob und Dank bliibsch Du bii eus
Und überlahsch de andere Chläus.

De Mond und sämtlichi Planete
Es hätt ja doch kein Chinde dete
Und wos kein Chind hät, gibs nur zue
Da häsch du herzlich wenig z'tue.