Liliput Familienwelt

Forum Thema Typen

Neues Thema - anonym und ohne Registrierung

ProjektWohnen mit anderen Familien / Gleichgesinnten, was meint Ihr?

3
0
Hoi mitenand

Mir tröime dervo ir zuekunft einisch mit anderne familie/lüt älter oder jünger, ca. glichgsinnte im ne huus z läbe. Wo jede aber gliich sini wohnig het.
Es paar stichwort zu üsem troum:
Naturverbunde, Garte, Tier, Holz, Baue, usprobiere, improvisiere, sorgfalls zur umwelt
Mitenand, e tüüre zum go aachlopfe, käfele,
Freiruum, rückzug, individuell, besinnlich,
muetig si, neus waage, vertrautheit.

Es gäb no vil z säge, aber mi nimmt me wunder wär das ou aspricht u was du derzue s säge hesch :)
Weitere Themen finden zu
Wohngemeinschaft

8 Antworten

Anzeige

+ Liliput Kontaktanzeigen - Familien & Single Kontaktbörse +

+ Liliput Kontaktanzeigen - Familien & Single Kontaktbörse +

Kontaktbörse für Familien und Singles
+ Kinderlose Singles
+ Alleinerziehende Singles
+ Mamis kennenlernen
+ KollegenInnen/Freunde
+ Freizeit-/SportpartnerIn
+ Ausflug/Wanderfreunde
+ Kontakt zu Landsleuten

www.Liliput.ch/Kontaktanzeigen - die Kontaktbörse

0
Es isch vermuetlich eifach ned einfach. Es esch wie inere Partnerschaft: Es bruucht regelmässigi Pfläg. Wer dr Ufwand ned schüücht: Warum ned sich de Traum erfülle??
1
Ja da hesch rächt.
Mir si äbe au chli der meinig das mir mönsche nümme de muet hei würklich au verbindlichi bezihige ii z ga. Da mir immer spontaner, churzentschlosse üs umentscheide chöi, isch jedi verpflichtig meh last.
Und mir dänke das verlässlichkeit äbe au sis schöne het, aber au si priis.
Üsi devise isch aber scho au: jede sini wohnig, si garte, si sitzplatz usw. Es isch schöner weme de cha zäme cho wöu me wott, und nid nur wöu eim nüt anders blibt..
0
für söttegi tröim gits doch d gnosseschaftssidlige?! We ja de gliich alli ihri eigeti wohnig und sogar ihre eigete sitzplatz wei?

bi mir gsächs de ehnder so uus, dass me im gliiche huus wohnti und me dert e grossi chuchi hätt und sini zwe eigete rüüm...

2 Kommentare Sortierung: Neuste Bewertung Chronologisch

1
ah ok, ja leider si die Sidlige scho eher im Blockwohnigstil boue... (wär eigentlech o nüt für mi, bi äbefalls es Landei. Vilech würd me sech ja dra gwahne? )
Ds Stichwort "Holz" hani überseh, de ischs ja eigentlech logisch dass es eher um nes grosses Burehuus oder so gieng.
De würdi gloub o zersch es Huus afa sueche für zwe bis vier Parteie, we dr Standort klar isch, ischs sicher o eifacher Giichgsinnti ds finde.
0
Ja die gnosseschafte gits..
Das wär üs aber z gross..
Mir si landeier, sehr gselligi aber doch äbe nid grad jederzyt gärn i soo vil lüt. Blockwohnige wäre für mi nüt.. i mues grad use i garte chönne u no daheim si ;) mir hei o gärn tier, u s wär kul vilich einisch ou es paar schaf z ha u so..
Ja so sache hei mir üs o scho überleit, gliich iigang, grossi chuchi, u vilich no es gmeinsams bad mit kuler badwanne..
S git vil möglichkeite..
0
S`wird wohl au sehr schwierig sy, es passends Huus oder Wohnig überhaupt z`finde. Ich würd eifach mol afah sueche und s`träume noh es bitzeli an Nagel hänke vorerscht. Und dezue guet im vorus vorbereite wo du denn emol inseriere wettisch für Mitbewohner, wenn denn e Wohnglägeheit do isch. Das muess denn ruckzuck goh. Zuerscht öpper finde und denn Wohnglägeheit sueche isch glaub der`falschi Wäg... ich befürchte würklich dass es enorm schwierig esch en passendi Bleibe z`finde. Und es sell jo vor allem au dir gfalle-!! :-))
1
Mir sind dranne bi üs in sumiswald im emmental so ä idee umzsetze bis öppä in 2 jahr. Hend ihr immerno interesse a some projekt?
2
Sehr e schöni Idee!

Wichtig zum für sich abkläre, isch sicher Folgendes: Was isch euri Motivation? Wo gsehnd ihr dr Mehrwert für euch? Was erhoffet ihr euch vom gmeinschaftliche Wohne?

No e Gedanke:
Zum es Huus chaufe, brucht me halt vill Gäld. Je nach Ort brucht me denn fast au no es Auto.(Usser me schafft nid uswärts)
Das chostet halt alles vill Gäld.

Eso muess me halt entsprechend vill schaffe zum sich dä Traum verwirkliche z chönne und isch weniger Zit gmüetlich deheime und cha Begegnige ha.

Eventuell lohnts sich, zerst mol 2-3 Jahr inere bestehende Gmeinschaft z läbe und chli "schnuppere", usefinde, was eim wichtig isch etc.?
0
Liebi Familie Tröimli

Isch Euers Inserat no aktuell oder hend ier Euri "Familie-WG“ schu gfunde?
So oder so, mier würend üs freue uf en Ustuusch zu dem Thema, will mier au uf dr Suechi sind noch enere Gmeinschaft. Nüm allei, zäme gots ringer! ;-)
Biz zu üs: mier sind e Familie (40 und 35) mit üser Tochter (10 Mönet), es Baby im Buuch und d Frau bringt no 2 Töchtere (9 und 7) mit us 1. Ehe wo aber nur all 2 Wuche es WE und zu de Schuelferie bi üs sind.
Mier läbend im Moment im Konauer Amt, isch schön do aber kein Muss. Es git überall in dr Schwiiz schöni Eggli und Objekt, wo nur druff wartend, (wieder-)beläbt z werde.
Ggf. au in Form vume Wiiler oder chline Siiedlig für mehereri Familie? Üseri Vision isch in Richtig Selbständigkeit und Unabhängigkeit vu System und Zwäng (Schuel, Impfe, 5G etc.). Halt ebe, solang das no irgendwie möglich isch.
Das erfoderert natürlich es guets mitenand, es zäme Träge und Unterstütze. Isch meh als nume schöni Natur z ha und gnüsse-Läbe als Chance zum Wachse, sich z pfläge und grösser z werde.
Mier würend üs freue, vu Eu z ghöre, wo ier so stönd in Eurem Prozess!
Liebe Gruess vu üs 4
Beat, Nadine, Ronja Erina und Baby im Buuch

2 Kommentare Sortierung: Neuste Bewertung Chronologisch

2
Ach komm Amy... manchmal stimmts auch so!!
Es gibt auch Familienväter die sehr an den Kinder hängen und alles für sie tun und das Familienleben bewusst und auch gekonnt gestalten.
1
Aber schön wieder 2 neui chindli produziere aber die eigne chind so selte gseh... trurigi welt!
0
Hallo, wo denn?
Wir hätten interesse. Bin verwitwet und habe eine 10 jährige Tochter.
Freue mich zu hören.
Lg

1 Kommentar

0
Hallo Nilu

Ich bin auch auf der Suche eine Pasende Lösung für mich und mein 3 jährigen Sohn. Ich bin frisch von meinem Mann. Ich kann mir gut Vorstellen, ein Haus mit viel Platz, so kann jeder trotzt WG seine Privat phäre. Ich wohne in Kanton Aargau.
Meldest du dich, um etwas mehr von mir zu erfahren.

Lg, Samantha

Antwort erstellen

Hinweis

Browser Cookies müssen aktiviert sein, um ein neuer Eintrag zu erstellen.
Info
Info
Forumregeln Gehe respektvoll mit anderen Beteiligten um.
Datenschutz Keine persönlichen Daten wie Name, Telefon, E-Mail, etc.
Tipp Bei Registrierung ist Kontakt via Persönliche Nachricht möglich!
 Info